☆ ᠳᠦᠷᠢᠮᠡᠬᠡᠢ
ᠭᠤᠪᠢ ᠶᠢᠨ ᠨᠠᠮᠤᠷ
ᠡᠭᠦᠯᠡᠰ ᠨᠡᠭᠦᠳᠡᠯᠯᠡᠵᠤ ᠶᠠᠪᠣᠭᠠᠤᠨ
ᠡᠭᠡᠵᠤ ᠢᠷᠡᠭᠡ ᠦᠭᠡᠶ ᠁
ᠭᠤᠷᠮᠤᠰᠤᠨ ᠡᠷᠴᠢᠮ ᠰᠢᠭ᠌ ᠴᠢᠩᠭ᠋ᠠᠷᠠᠳᠠᠭ ᠪᠠᠢ᠌ᠭᠰᠠᠨ
ᠭᠤᠪᠢ ᠶᠢᠨ ᠡᠨᠡᠭᠡᠨ ᠣᠯᠠᠷᠢᠯ
ᠭᠤᠨᠢᠭᠳᠠᠢ᠌ᠬᠠᠨ ᠢᠷᠡᠨᠡ ᠃
ᠵᠡᠭᠡᠷᠡ ᠶᠢᠨ ᠰᠢᠯᠢ ᠵᠢᠨ
ᠵᠡᠷᠭᠡᠯᠭᠡ ᠨᠢ ᠬᠠᠭᠤᠷᠠᠢ ᠳᠡᠭ᠍ᠷᠢ ᠪᠠᠷ
ᠵᠡᠯᠡᠯᠡᠭ᠍ᠰᠡᠨ ᠭᠠᠯᠠᠭᠤᠳ
ᠵᠢᠯ ᠵᠢᠯ ᠡᠴᠡ ᠡᠷᠳᠡ ᠪᠣᠴᠠᠯᠠ ᠃
ᠳᠤᠭᠤᠰᠤᠷᠠᠭᠰᠠᠨ ᠬᠠᠳᠤᠯᠠᠩ ᠤᠨ ᠡᠭᠢᠤᠨ ᠵᠢᠠᠷ
ᠳᠤᠬᠤᠮ ᠤᠨ ᠬᠠᠯᠠᠭᠤᠨ ᠣᠷᠤᠮ ᠠᠯᠠᠭᠠ
ᠳᠤᠮᠤᠭ ᠰᠢᠤᠬᠠᠨ ᠬᠠᠭᠤᠴᠢ ᠶᠢᠨ ᠴᠠᠭᠠᠨᠠᠬᠠᠨ
ᠳᠤᠰᠤ ᠲᠡᠶ ᠴᠠᠢ ᠳᠠᠷᠭᠢᠯᠠᠭᠤᠯᠵᠤ ᠪᠠᠢ᠌ᠳᠠᠭ
ᠳᠤᠯᠭᠠ ᠶᠢᠨ ᠭᠤᠷᠪᠠᠨ ᠴᠢᠯᠠᠭᠤ ᠴᠤ ᠠᠯᠠᠭᠠ ᠡ ︕
ᠡᠵᠢ ᠮᠢᠨᠢ ᠪᠠᠢ᠌ᠭᠰᠠᠨ
ᠪᠢ ᠣᠭᠢᠯᠠᠬᠤ ᠳᠤᠷᠠᠳᠠᠢ ᠦᠶᠠ
ᠭᠦᠭᠦᠭᠦᠯᠵᠤ ᠠᠷᠭᠠᠳᠠᠳᠠᠭ ᠠᠩᠭᠢᠷ ᠰᠥ᠋
ᠡᠵᠢ ᠮᠢᠨᠢ ᠪᠠᠢ᠌ᠭᠰᠠᠨ
ᠪᠢ ᠮᠦᠰᠤᠨ ᠰᠢᠭᠢᠷ ᠲᠤ ᠳᠤᠷᠠᠳᠠᠢ ᠦᠶᠠ
ᠡᠷᠭᠢᠨᠡᠭ᠌ ᠲᠤ ᠬᠠᠳᠠᠭᠠᠯᠠᠰᠤᠳᠠᠢ ᠭᠡᠳᠤᠨ ᠮᠥᠩᠭᠦ
ᠡᠵᠢ ᠮᠢᠨᠢ ᠪᠠᠢ᠌ᠭᠰᠠᠨ
ᠪᠢ ᠳᠡᠨᠦᠭᠦ ᠳᠤᠷᠠᠳᠠᠢ ᠦᠶᠠ
ᠳᠡᠷᠭᠡᠨ ᠤ ᠪᠢᠯᠸᠲ ᠪᠦᠭᠦᠨ
ᠡᠵᠢ ᠮᠢᠨᠢ ᠪᠠᠢ᠌ᠭᠰᠠᠨ
ᠪᠢ ᠬᠠᠤᠯᠢ ᠳᠤ ᠣᠨᠠᠵᠤ ᠳᠦᠭᠵᠢᠭᠦᠯᠭᠦ ᠦᠶᠠ
ᠬᠠᠭᠠᠯᠭᠠᠨ ᠳᠤ ᠬᠠᠪᠴᠢᠭᠳᠠᠨ ᠳᠠᠯᠴᠢᠯᠠᠵᠤ ᠬᠤᠴᠤᠷᠤᠭᠰᠠᠨ ᠡᠷᠭᠡ ᠴᠢᠯᠦᠭᠡ
ᠡᠵᠢ ᠮᠢᠨᠢ ᠪᠠᠢ᠌ᠭᠰᠠᠨ
ᠪᠢ ᠢᠩᠭᠢᠵᠤ ᠡᠷᠢᠶᠡᠴᠢᠭᠡᠤᠨ ᠡᠩᠰᠡᠷᠡᠳᠡᠭ᠌ ᠪᠣᠯᠬᠤ ᠦᠶᠠ
ᠡᠵᠢ ᠶᠢᠨ ᠮᠢᠨᠢ ᠰᠠᠠᠴᠢᠭ
ᠡᠡᠳᠡ ᠳᠠᠠᠳᠠ ᠦᠭᠡᠶ ᠪᠣᠭᠤᠷᠤᠯᠳᠤᠴᠢᠬᠠᠭᠰᠠᠨ ᠁
ᠨᠠᠳᠠ ᠥᠭ᠍ᠭᠦᠭᠡᠴᠢ
ᠡᠳ᠋ᠯᠡᠵᠤ ᠭᠡᠷᠡᠭᠯᠡᠭᠦ ᠪᠠᠨ ᠪᠣᠯᠢᠭᠰᠠᠨ ᠬᠣᠢ᠌ᠨᠠ
ᠡᠷᠢᠭᠡ ᠪᠠᠨ ᠨᠠᠳᠠ ᠥᠭ᠍ᠭᠦᠭᠡᠴᠢ
ᠡᠷᠭᠡ ᠣᠯᠠᠭᠠᠨ ᠱᠢᠷᠤ ᠶᠢ ᠨᠢ ᠬᠤᠯᠪᠣᠵᠤ
ᠡᠯᠡᠭ᠍ᠳᠡᠵᠤ ᠬᠠᠭᠤᠴᠢᠷᠠᠭᠰᠠᠨ ᠣᠳᠠᠰᠤ ᠶᠢ ᠨᠢ ᠪᠢ ᠠᠪᠣᠶᠠ
ᠠᠷᠢᠭᠢᠳᠠᠵᠤ ᠪᠠᠷᠠᠭᠰᠠᠨ ᠬᠣᠢ᠌ᠨᠠ ᠪᠠᠨ
ᠯᠤᠩᠬᠤ ᠪᠠᠨ ᠨᠠᠳᠠ ᠥᠭ᠍ᠭᠦᠭᠡᠴᠢ
ᠬᠤᠭᠤᠰᠤᠨ ᠯᠤᠩᠬᠤᠨ ᠳᠤ ᠭᠤᠨᠢᠭᠳᠠᠢ ᠳᠡᠯᠴᠢᠯᠡᠭ᠍ᠰᠡᠨ
ᠬᠤᠶᠠᠷ ᠣᠭᠤᠴᠢ ᠠᠭᠠᠷ ᠢ ᠨᠢ ᠪᠢ ᠠᠪᠣᠶᠠ ᠯᠠ ︕
ᠪᠣᠷᠤ ᠭᠡᠷᠡᠮ
ᠳᠦᠭ᠍ᠵᠢᠵᠤ ᠴᠢᠳᠠᠭᠠ ᠦᠭᠡᠶ ᠡᠭᠦᠳᠡᠨ ᠳ᠋ᠤ
ᠳᠦᠰᠭᠢᠳᠠᠯᠠ ᠨᠢᠭᠡ ᠪᠦᠳᠦᠷᠢᠭᠡᠰᠡᠢ ᠭᠡᠰᠡᠨ
ᠪᠣᠱᠤᠭᠠ ︱
ᠪᠣᠷᠤ ᠭᠡᠷᠡᠮ ᠃
ᠪᠣᠱᠤᠭᠠᠨ ᠳᠤ ᠪᠦᠳᠦᠷᠢᠭᠡ ᠦᠭᠡᠶ ᠳᠡᠦᠭᠡᠨ ᠊ᠤ
ᠪᠣᠷᠪᠢᠨ ᠳ᠋ᠤᠨᠢ ᠨᠤᠷᠠᠭᠰᠠᠨ
ᠪᠣᠰᠬᠠᠵᠤ ᠴᠢᠳᠠᠭᠠ ᠦᠭᠡᠶ ᠣᠰᠤᠯ ︱
ᠪᠣᠷᠤ ᠭᠡᠷᠡᠮ ᠃
ᠵᠠᠭᠤᠨ ᠵᠢᠯ ᠤᠨ ᠬᠣᠢ᠌ᠨᠠ ᠴᠢ ᠮᠢᠨᠤ ᠰᠢᠯᠦᠭ᠌ ᠢ ᠣᠩᠰᠢ
ᠵᠤᠯᠠ ᠳᠠᠭᠢᠯ ᠲᠡᠶ ᠪᠣᠷᠬᠠᠨ ᠊ᠤ
ᠦᠯᠮᠠᠢ ᠳᠤᠤᠷᠠ ᠰᠥᠭᠦᠷᠡᠭ᠍ᠰᠡᠨ ᠰᠢᠭ᠌
ᠵᠠᠭᠤᠨ ᠵᠢᠯ ᠤᠨ ᠬᠣᠢ᠌ᠨᠠ ᠴᠢ
ᠮᠢᠨᠤ ᠰᠢᠯᠦᠭ᠌ ᠢ ᠣᠩᠰᠢ ᠃
ᠵᠤᠨ ᠵᠤᠨ ᠴᠡᠴᠡᠭᠯᠡᠳᠡᠭ᠌
ᠮᠤᠩᠭ᠋ᠤᠯ ᠤᠨ ᠰᠠᠢ᠌ᠬᠠᠨ ᠳᠠᠯᠠ
ᠵᠢᠷᠤᠭ ᠵᠢᠷᠤᠭ ᠡᠴᠡ ᠥᠵᠡᠰᠭᠦᠯᠡᠩ
ᠭᠤᠪᠢ ᠂ ᠬᠠᠩᠭ᠋ᠠᠢ ᠂ ᠴᠠᠢ᠌ᠳᠠᠮ
ᠵᠢᠰᠤ ᠵᠢᠰᠤᠨ ᠡᠴᠡ ᠭᠤᠸᠠᠯᠢᠭ
ᠳᠡᠭ᠍ᠵᠢᠨ ᠭᠤᠪᠠᠢ ᠭᠡᠦᠭᠡᠡᠴᠦᠦᠯ
ᠵᠡᠭᠦᠳᠤ ᠵᠡᠭᠦᠳᠤᠨ ᠳᠤ ᠢᠷᠡᠮᠡᠷ
ᠭᠣᠢ᠌ᠳᠠ ᠭᠣᠢ᠌ᠳᠠᠬᠠᠨ ᠳᠦᠷᠭᠦ ᠨᠤᠭᠦᠳ ᠊ᠢ
ᠵᠢᠷᠦᠭᠡ ᠰᠠᠤᠠᠭᠢᠯ ᠶᠢᠡᠷ ᠱᠠᠤᠠᠯᠠᠭᠰᠠᠨ
ᠣᠩᠭ᠋ᠤᠨ ᠮᠤᠩᠭ᠋ᠤᠯ ᠨᠠᠢ᠌ᠷᠠᠭ ᠡᠴᠡ
ᠵᠤᠯ ᠬᠠᠷᠭᠤᠪᠠᠯ ᠵᠠᠭᠤᠨ ᠤ ᠬᠣᠢ᠌ᠨᠠ
ᠳᠡᠷᠡᠭᠡᠨ ᠭᠡᠪ ᠶᠢᠡᠷ ᠨᠢ ᠣᠩᠰᠢ ︕
ᠵᠤᠬᠢᠶᠠᠭᠴᠢ᠄ ᠳᠦᠷᠢᠮᠡᠬᠡᠢ
ᠢᠷᠡᠯᠲᠡ᠄ ᠬ·ᠪᠦᠬᠡᠮᠠᠨᠳᠤᠯᠠ
ᠬᠠᠷᠢᠶᠠ᠄ 《
ᠦᠨᠢᠷ ᠴᠡᠴᠡᠭ 》
ᠳᠠᠷᠤᠮ᠄ 10020
ᠴᠠᠭ᠄ 2009 ᠤᠨ ᠤ 05 ᠰᠠᠷᠠ ᠶᠢᠨ 12
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ